Fatos Lubonja duke folur për protestën e zhvilluar ditën e djeshme lidhur me prishjen e objekteve që preken nga projekti i Unazës së Madhe, i ka quajtur Parlamentin, Prokuorinë dhe Policinë, si tre institucione të bashkur në një bandë që po grabisin njerëzit.
Lubonja u shpreh se Rama po grabit qytetarët, dhe jo qytetarët kanë grabitur tokat e shtetit, siç u shpreh kryeministri sot në Kuvend.
“Këtu kemi një shtet, ku policia, Prokuroria, Parlamenti, janë një bandë e përbashkët, përdoren për të grabitur njerëzit.
Këtu ai na del dhe akuzon disa njërëz dhe thotë që kanë grabitur tokën, por nuk është e vërtetë.
Por Rama po ua grabit tokën atyre me këta horrat që ka.
Po na grabit ne duke bërë kilometrin me 20 milionë euro dhe po na grabit ne pasi do u paguajmë dhe bonusin e qerave për 3 vite.
Banorët duhet të shkojnë të protestojnë tek Prokuroria të nxjerrin nga zyra Arta Markuan se ata vëllezërit Hysa janë të kallëzuar”, u shpreh Lubonja.
