Forca kryesore e opozitës, Partia Demokratike ka mbyllur thuajse totalisht zgjedhjet e kryetarëve të degëve. Zgjedhje të cilat u zhvilluar me shpejtësi pas një urdhri të Lulzim Bashës për të votuar me shpejtësi kryetarët pasi kishte 9 muaj që nuk përfundonte dhe duhej të çertifikohej me votim formal proçesi.
Proçesverbale të mbushura në klube, kryetarë grupeseksionesh të votuar nga 3 veta, seksione që nuk figurojnë fare thjesht janë firmosur e plotësuar për të ndërtuar një process manipulativ që të siguronte mbi 90% të kryetarëve në detyrë, kastën e humbase të cilët triumfuan me pazaret pranë Lulit dhe familjarëve të tij.
Triumfi i humbësave filloi në Durrës, Ferdinand Xhaferri, 4 herë humbës, në Sarandë Hariz Mema nga Aleanca Kuq e Zi rikonfirmohet, në Fier, Luan Baçi, ushtari i Koço Kokëdhimës del me 99%, kështu ndodh me Andrea Manon e PDR-së Pollos në Korçë, në Lushnjë ka spektakël, me 100 % të votave, pa garë e pa rival shpallet rezultati. Kjo është pak a shumë panorama e zgjedhjeve të brendshme në atë që ka ngelur si PD, që në fakt tashmë quhet Republika e Re e Lulzim Bashës.
Ka pasur dhe disa fitore të tjera, ku spikat Elbasani që Basha vendosi kë donte në krye të degës, pasi hoqi nga gara kryetarin në detyrë, i cili është nga të paktët që u përjashtua nga gara.
Fenomen tjetër është edhe “revolta” ndaj Bashës në disa bashki. Në Shkodër, me gjithë suportin e Lulit, Mulit dhe Nulave të tij vërdallë, Ramiz Çobaj, ish-oficeri i Ramiz Alisë, humbi me dy vota. Për shumë e shumë arsye të gjithë faktorët ishin kundër, përfshi edhe Voltana Ademin e cila për rrezikun e rikandidimit të saj ato pak vota i hodhi kundër kryetarit në detyrë.
LEXO EDHE: Triumfi i humbësave, si paralajmërim për humbjen e radhës
Në Lezhë u rrëzua kryetari në detyrë me porosi. Krybashkiaku Fran Frrokaj, mbështeti Zef Gjokën dhe ky i fundit fitoi. Edhe këtu një betejë për Bashkinë pasi Frrokaj kërkon rikandidimin dhe Paulin Marku kryetari në detyre e rivalizonte.
Ne Pogradec, dje demokratët kanë lënë me gisht në gojë Fahriun dhe Lulin. Kandidati i mbështetur prej tyre Robert Gusho, humbi turpshëm pasi kryebashkiaku dhe disa rryma të forta dolën kundër Ballinjve dhe kundërshtuan emrat e sjella nga Tirana.
Pra në disa bashki për interesa të tyre apo inate, kryebashkiakët kanë përmbysur të preferuarit e Bashës, si në Shkodër dhe Pogradec.
Por disa përmbysje për interesa personale, apo ndonjë pazar Brenda strukturave, nuk mund ta zbehin “shkëlqimin” e Triumfit të humbësave dhe nuk mund të shiten si hapje apo zhvillime pozitive brenda PD-së, ato ngelen disa “aksidente” nga Republika e Re e Lulzim Bashës./CNA.al
