Konferenca Gjyqësore për konstituimin e Këshillit të Lartë Gjyqësor është drejt përfundimit. Në votimin ku morën pjesë 360 gjyqtarë nga të gjitha gjykatat e vendit, nga 9 kandidatë u zgjodhën 5 prej tyre si anëtarë të KLGJ-së, ndërkohë vijon gara për fituesin e fundit.
Fitues janë: Marcela Shehu, Brikena Ukperaj, Medi Bici, ndërsa drejt fitimit është Dritan Hallunaj dhe Brunilda Kadi. Hallunaj ka arritur të mbledhë 215 vota, ndërsa Kadi 135.
Gara vazhdon akoma mes Nertina Kosovës dhe Ilir Toskës, prej të cilëve do të zgjidhet edhe anëtari i fundit nga KLGJ.
Ndërkohë Report Tv mëson se është tërhequr nga gara gjyqtarja Alma Brati. Kërkesa është depozituar një ditë më parë dhe Brati ka deklaruar se nuk do që të jetë pjesë e zgjedhjeve për anëtare të KLGJ.
Emrat që u votuan për KLGJ janë:
Medi Bici – Gjykata e Lartë
Ilir Toska – Gjykata e Apelit Tiranë
Nertina Kosova – Gjykata e Apelit të Krimeve
Alma Brati – Gjykata e Tiranës (E tërhequr)
Astrit Faqolli – Gjykata e Tiranës
Brunilda Kadi – Gjykata e Tiranës
Dritan Hallunaj – Gjykata e Krimeve të Rënda
Manjola Xhaxho – Gjykata e Krimeve të Rënda
Marcela Shehu – Gjykata e Tiranës
Brikena Ukperaj – Gjykata e Apelit të Vlorës
Një ditë më parë Konferenca e Prokurorisë zgjodhi 6 anëtarët prokurorë për në Këshillin e Lartë të Prokurorisë. Me ngritjen e këtyre dy institucioneve Reforma në Drejtësi shkon drejt një momenti vendimtar për drejtësi të pavarur dhe profesionale me qëllim rritjen e besimit të gjyqësorit te qytetarët. /Shqiptarja.com
