Një ditë më parë, në të gjitha mediat u dha lajmi se policia ka kërkuar procedim penal për 25 persona në lidhje me protestën e studentëve, mes të cilëve përmendeshin dhe Edmond Tupja me Robert Aliajn.
Por, një gjë e tillë në fakt ka rezultuar bllof.
Nuk ka asnjë komunikatë zyrtare të policisë, që të kërkojë procedim penal për personat e mësipërm.
Burime të gazetës TemA bëjnë me dije se dje ka qarkulluar një komunikatë e brendshme, e cila i shkon edhe presidentit, në të cilën përmendeshin edhe Tupja me Aliajn se pjesmarrës në protestë.
Vetëm se në Prokurori, nga Policia nuk është dërguar asnjë kërkesë procedimi penal për dy personat e mësipërm.
Pra, nuk ekziston asnjë kërkesë për procedimin e tyre.
