Gjykata e Tiranës ka pushuar gjykimin per padinë që FSHF dhe presidenti i saj, Armand Duka, kishin hapur për akuzën e shpifjes ndaj deputetit të PS, Erjon Braçe.
Pushimi i gjykimit është bërë me motivacionin për mosparaqitje në gjyq të palës paditëse, pra FSHF dhe Dukës.
Federata Shqiptare e Futbollit kishte vendosur të padisë në gjykatë Erjon Braçen, për akuzën e shpifjes dhe dëmtimit të imazhit.
Deputeti Braçe është tifoz i klubit të Partizanit dhe shpesh herë përfshihet në debatet sportive.
Ai ka akuzuar gjithnjë kreun e FSHF-së, Armand Duka, për manipulim të kampionatit në dëm të ekipit të kuq dhe për favorizim të ekipeve kundërshtare.
