NGA ROMEO KARA
Ben mire qe i drejtohesh popullit, se ti e ndjen qe kriza e tanishme mbi te gjitha eshte nje krize besimi dhe patjeter duke e perfshire popullin, edhe pse vetem virtualisht ne debat e keshillime, fiton nje doze normaliteti.
Patjeter qe qeveria duhet te riformatohet ne emra dhe mentalitet, ku ministrat të marrin pergjegjesi publike, t’a ndjejne veten pergjegjes perpara popullit, vendit dhe historise dhe jo te mbajne postin me hosanara karshi kryeministrit si KUL-et osmanllinj, qe e ndertonin karrieren e tyre mbi bazen e kujdesit personal ndaj sulltanit dhe qe i perkushtoheshin vetem atij, sigurisht pasi e kane plotesuar boll mire perkushtimin ndaj vetes.
Ministrat me te korruptuar duhen cuar me zaze perpara prokurorise, perndryshe nuk ofrojme gjene me jetike të ketij momenti, drejtesine.
Nese nuk luftohet e keqja brenda vetes, morali me te tjeret dhe per te tjeret eshte vetem demagogji dhe pabesi.
Po nuk ndodhi kjo, kucedrat e korrupsionit, Berisha, Meta e kompani, do riciklohen, do rivijne në pushtet dhe ju te gjithe do merrni mallkimin e popullit.
Pandeshkueshmeria e korrupsionit e ben nul cdo riformatim qeverie, pasi nderrohen emrat por jo mentaliteti dhe mbi të gjitha fryma.
POSTI PUBLIK DUHET TE PUSHOJE SE QENI BURIM PASURIMI PER PUSHTETMBAJTESIN DHE TARAFIN E TIJ.
Nuk mund te kemi rezultate te permiresuara qeverisjeje, nese vazhdohet me te njejtin avaz dhe avazi nuk ndryshon nese ligji nuk funksionon.
Do te ishte me interes, nese do shpallej edhe nje liste per nderrimin e oligarkeve, si anetare de facto te cdo qeverie.
Eshte e trishte qe ne nuk po arrijme te ndertojme nje qeverisje qe te zgjidhe problemet, por rikthehemi gjithmone tek pika kur problemi behet vete qeverisja.
Eshte akoma me e trishte kur mendon se dikur, perandoret e Romes ( Oktaviani ) apo konsuj si Agrippa, arsimoheshin pikerisht ketu, ( ne Apoloni) per tu pergatitur si shtetare te botes, ndersa sot nuk arsimohemi dot as sa per te qeverisur edhe vete univeristetet tona.
Ky popull nuk do me nje rikthim mbrapa, prandaj jepini te drejta me te medha ne vendimarrje, qe edhe qeveritaret ta dine se prej popullit vihen dhe prej tij do te hiqen dhe ti vete do shpetosh nga servilet qe jane kostoja me e madhe e qeverisjes.
La Fonteni e ka percaktuar qarte: “Kini parasysh se te gjithe servilet, jetojne ne kurriz te atyre qe ua vene veshin”.
