Shumica e qytetarëve të Bashkimit Europian janë kundër zgjerimit të Unionit me anëtarë të rinj në vitet e ardhshme, ndërsa në vendet kandidate ende mbizotëron mbështetja për anëtarësim në BE në besimin se ajo do të ishte e dobishme.
Ky është konkluzioni i dalë nga sondazhi më i fundit i Eurobarometër, kryer nga Komisioni Europian.
Në Shqipëri, 93 për qind e të anketuarve vlerësuan se anëtarësimi do të ishte një ide e mirë, ndërsa vetëm 1 për qind e tyre kanë një qëndrim negativ.
Në Serbi, 42 për qind ishin pro, duke besuar se anëtarësimi në BE ishte një gjë e mirë. Ndërsa 22 për qind se ishte jo i mirë.
Në vende të tjera me statusin kandidatit, me pozitivitet u shprehën 58 për qind e maqedonasve, 45 për qind e malazezëve dhe 35 përqind e turqve.
Sidoqoftë, në Bashkimin Europian, 43 përqind e popullsisë mbështet anëtarë të rinj, ndërsa 45 përqind janë kundër tyre.
Zgjerimi mbështetet maksimalisht nga Spanja me 71 përqind, Polonia dhe Lituania me 66 përqind, Rumania me 65 përqind, Hungaria me 62 përqind dhe Kroacia me 61 përqind.
Kundërshtarët më të mëdhenj për anëtarësime të tjera janë Finlanda me 64 përqind, Franca me 62 përqind, Gjermania me 61 përqind dhe Austria me 58 përqind.
