Kryeministri Edi Rama deklaroi se zgjedhja e Erjon Braçes zëvendës kryeministër është më e mira. Në konferencën e fundit për këtë vit Rama mes batutave tha se kush gjykon Erjon Braçen i merr të keqen atij.
“Për sa i përket Erion Braçes, besoj që gjithë sa thatë ju tregon të kundërtën e asaj që thatë ju dhe propagandohet nga shumëkush që unë jam person që dëshiroj të rrethohem vetëm nga njerëz që janë dakord me mua.
Kjo është e pavërtetë dhe gjithcka ju përshkruat për Erion Bracen është një provë fantastike që rrëzon gjithë këtë propagandë prej vitesh lidhur me mënyrën sic e shikoj unë, me bashkëpunëtorët.
Dua t’ju them se ajo që ju shikoni nëpërmjet televizorit kur ka debate si debati që referuar është 1/100 e asaj që ndodh jashtë kamerave me dabatet tona të brendshme në qeveri, kryeministri, grupin parlamentar.
Është një e njëqinda sepse ne jemi një familje që diskuton dhe kundërshtohemi me njëri-tjetrin.
E bëjmë dallimin midis qëllimit të përbashkët dhe nevojës për të gjetur rrugën më të mirë.
Me Erion Braçen, ne nuk na ndan programi. Përkundrazi na bashkon vizioni por në momente kemi debate për mënyrën më të mirë të realizimit.
Dua t’u them gjithë atyre që më kanë kërkuar arsye dhe argumente për ta goditur, se Erion Braçes i merrni të keqen të gjithë.
Për ju, Erion Braçe rron 2 mijë vjet, unë një mijë.– tha Rama.
