Heshtja e Monës dhe Titit të LSI është alarmante dhe e frikshme, ku me shumë gjasa po përgatiten për ndonjë marrëzi, të tmerruar në palcë nga dorëzimi i Balilit, i cili ka në dorë fatin e gjithë LSI-stave
Vijon ‘zia’ dhe paniku në LSI-në e Monës, e cila është fshehur që pas dorëzimit të Klement Balilit, së bashku me ‘zhurmuesin’ Tit Vasili, të cilët siç duket po bëhen gati për ‘vetëvrasje’ politike. I vetmi që ka reaguar me gjysmëzëri në LSI për ngjarjen e bujshme është Presidenti Ilir Meta.
“Përshëndes ndalimin e Klemend Balilit, një person me probleme mjaft serioze me ligjin. Në këtë rast dua të falenderoj jo vetëm agjencitë ligjzbatuese por edhe partnerët tanë ndërkombëtarë për presionin e gjithanshëm për të arritur këtë rezultat sot”, tha Meta.
Nxitimi i tij për të reaguar, menjëherë pas një deklarate të Ramës, për vetëdorëzimin e Klement Balilit, ka qenë i “detyruar” për Ilir Metën, nga kompleksi që ka prej faktit se Balili ka qenë njeri i partisë së tij.
Por, ndërsa Ilir Meta e ka bërë një reagim të shpejtë, ajo që tërheq jo pak vëmendje është heshtja e LSI-së. Kryetarja e kësaj partie, Monika Kryemadhi, nuk ka thënë asnjë fjalë, ndonëse kanë kaluar gjithë këto orë dhe lajmi ka bërë jehonë të gjerë në mediat më të mëdha ndërkombëtare.
Akoma më e çuditshme është heshtja e kreut të grupit parlamentar të LSI, Petrit Vasili, që nuk lë marrëzi pa komentuar në FB-në e tij. Madje, edhe kur doli në një konferencë për shtyp në selinë e LSI-së nuk tha asnjë fjalë për këtë ngjarje të bujshme. Heshtja e Monës dhe Titit të LSI është alarmante dhe e frikshme, ku me shumë gjasa po përgatiten për ndonjë marrëzi, të tmerruar në palcë nga dorëzimi i Balilit, i cili ka në dorë fatin e gjithë LSI-stave.
Siç dihet tashmë, ‘Eskobari i Ballkanit’, Klement Balili, ka lidhje të ngushta politike, teksa gjithë familja e tij ka qenë afër Partisë Demokratike dhe Lëvizjes Socialiste për Integrim. Edhe pse jo në vijën e parë me poste a pozita, ata, si çdokush afër partive, kanë patur benefitet e tyre gjatë kohës kur ka qeverisur e djathta, e më pas LSI.
Në vitet e aleancës mes PD-së e LSI-së, ndodhi më pas një kalim pragmatik i Balilajve në kampin e Metës, për të marrë formë të plotë me qeverisjen e re PS-LSI, që patën si epilog inagurimin e Santa Quaranta-s, ku gati gjysma e qeverisës, e patjetër ministrat e LSI-së e vetë Meta, ishin aty.
Klement Balili më pas u emërua edhe drejtor nga LSI te Patentat, për herë të parë në administratë publike, pa asnjë përvojë të mëparshme. E gjitha kjo duket se do t’i kushtojë shtrenjtë Metës, Monës e gjithë LSI-së, partisë së njëmijë e një të zezave, që vetëm ka vjedhur e shkatërruar vendin.
