jë grabitje me armë zjarri në mes të ditës tronditi sot qytetarët e Fierit, ndërsa dy persona u plagosën. Tre persona të armatosur grabitën në kërcënimin e armëve një agjenci të këmbimit valutor, ndërsa morën prej aty 6 360 euro dhe 954 900 lekë. Gazetari Ervis Kuçi ka siguruar për ‘BalkanWeb’ pamje nga jashtë ambienteve të Exchange, ku është filmuar ngjarja.
Në video shihet se si në mes të ditës, në sytë e dhjetëra tregtarëve dhe kalimtarëve, të armatosur me kallashnikov dy persona hyjnë në Exchange dhe pasi vjedhin shumën dhe qëllojnë me kallashnikov, largohen prej aty, ku i priste me makinë autori i tretë.
Në videon e siguruar nga ‘BalkanWeb’ shihet se si terrorizohen qytetarët, ku disa largohen nga vendi i ngjarjes me shpejtësi.
Burime zyrtare nga policia e Fierit thanë se Zini Fyraj, Lulëzim Demiraj dhe Dashamir Gergali, akuzohet se qëlluar me armë zjarri gjatë grabitjes dhe për pasojë janë plagosur 2 shtetas, pronari i pikës së këmbimit valutor, shtetasi Gëzim Hoxha, 64 vjeç dhe shtetasi Agur Vrenozi, 53 vjeç, i cili ndodhej pranë kësaj pike. Ndërkohë, Hoxha ndodhet në Spitalin Rajonal Fier nën kujdesin e mjekëve.
Pas arrestimit të autorëve, policia ka gjetur edhe mjetin e krimit, armën automatike tip “kallashnikov”, të cilën autorët e kishin fshehur në një kanal me shkurre. U sekuestruan edhe 28 fishekë “model 56” si dhe 2 gëzhoja. Gjithashtu u sekuestrua çanta me paratë që u vodhën në pikën e këmbimit valutor, të cilën policia e gjeti në lumin ku u hodh njëri prej autorëve.
(ed.me/BalkanWeb)
