Gazetari i ekonomisë Klodian Tomorri ka zbuluar një koncesion tjetër që pritet ta japë së shpejti qeveria.
Në një postim në rrjetet sociale, Tomorri pyet se pse e ka mbyllur gojën opozita përballë këtij koncesioni.
“Kush ja mbylli gojën opozitës për koncesionin e pompave?
Qeveria po përgatit një tjetër koncesion, i cili ja kalon kontrollin e pompave në stacionet e karburanteve një kompanie private. Sot ky shërbim është shtetëror dhe kryhet nga drejtoria e metrologjisë.
Është një biznes 3-4 milionë euro në vit, i cili sigurisht paguhet nga qytetarët. Kompanitë e naftës paguajnë drejtorisë së metrologjisë 14 mijë lekë të reja për çdo pistoletë që kanë në stacionet e karburanteve dhe këtë kosto e ngarkojnë në çmimin e naftës.”-thotë ai.
Më tej, gazetari thekson se ky koncesion bën që lekët që për këtë shërbim i merr shteti me këtë koncension do kalojnë drejtpërdrejtë te private.
“Por tani paratë nuk do i shkojnë më shtetit, por privatit që do fitojë koncesionin. Minimalisht janë 60 milionë euro për 20 vitet e koncesionit, gjithmonë nëse privati do të mbajë të njëjtat tarifa që paguhen sot në shtet.
Praktikisht koncesioni i pompave është një transferim i pastër i taksave të qytetarëve nga buxheti i shtetit në llogari private. Nëse dy koncesionet e mëparshme, të cilët prekin naftën, ai i markimit dhe skanimi u dhanë tek privati për shërbime që nuk kryheshin fare nga shteti, ky i pompave është unik. Këtu jepet një shërbim, i cili kryhet aktualisht nga shteti dhe për të cilin nuk ka asnjë ankesë nga askush.”-thotë Tomorri.
Në vijim të shkrimit të ai pyet se pse hesht në këtë rast opozita, kur për koncesione të tjera bërtet me të madh ese do t’i anulojë.
“Qeveria e ka ndarë mendjen që t’ja kalojë privatit paratë e buxhetit, për arsyet që i di ajo. Çështë është pse hesht opozita?
Zoti Basha ka marrë angazhim publik se do të anulojë taksën e qarkullimit, e cila në fund fare shkon në buxhetin e shtetit dhe financon shkolla, spitale, rrogat e administratës. Por opozita nuk po thotë asgjë për një tarifë që sot shkon në shtet, por nesër do privatizohet. Dhe i gjithë investimi që do bëjë privati për të privatizuar 60 milionë euro është vetëm 500 mijë euro.
Çfarë e detyron një opozitë të heshtë kur buxheti i shtetit devijohet në llogari private përmes koncesioneve të dyshimta dhe procedurave të kontestuara. Apo… ??”-shprehet Klodian Tomorri.
