Kreu i Kuvendit të Maqedonisë së Veriut, Talat Xhaferi, i cili ndodhej në sallën e parlamentit gjatë seancës së sotme, në një deklaratë për mediat, u pyet edhe për sulmin me bojë të Palokës ndaj kryeministrit Edi Rama.
Talat Xhaferi u shpreh se ai është mësuar me situata të tilla, pasi gjatë momentit të ndryshimeve Kushtetuese për çështjen e emrit, edhe Parlamenti maqedonas u përfshi nga episode të tilla.
Kujtojmë se kryetari i Kuvendit të Maqedonisë së Veriut, Talat Xhaferi, pak kohë më parë është sulmuar verbalisht dhe fizikisht nga ish-kryeministri Nikolla Gruevski, sot në arrati i dënuar për korrupsion, asokohe tentonte me presion, që të pengonte zyrtarizimin e gjuhës shqipe në Maqedoni.
Në një intervistë Xhaferi deklaroi se: “Provokimet fizike të ish-Kryetarit të VMRO-DPME-së, Nikolla Gruevskit nuk i bënë përshtypje!”
Ditën e sotme, Xhaferi gjatë fjalës së tij deklaroi, se është krenar që u bë pjesë e një akti ku Parlamenti shqiptar votoi unanimisht aderimin e Maqedonisë në NATO./Ekskluzive.al
