Pas protestës së opozitës e cila u mbyll me dorëzimin simbolik të mandateve në Kryesinë e Kuvendit, ditën e djeshme, Lulzim Basha sot është nisur për në udhëtim.
Nga pamjet e publikuara në media, Basha ndodhet në aeroportin e Rinasit, ndërsa është i shoqëruar edhe nga djali i ish kryeministrit Sali Berisha, Shkëlzen Berisha.
Mësohet se Basha dhe Berisha janë nisur për në Vjenë, ku do të takojë Presidentin e Asamblesë Parlamentare të OSBE George Tsereteli dhe Sekretarin e Përgjithshëm.
Në kryeqytetin austriak, është bërë me dije se i pret, kreu i Partisë Republikane, Fatmir Mediu.
Kjo vizitë e Bashës në Vjenë, vjen vetëm një ditë pas protestës dhe djegies së mandateve, ku përfundimisht opozita mbeti jashtë Parlamentit.
Ndërkaq, përpos kësaj e paqartë mbetet arsyeja e shoqërimit të Bashës edhe nga djali i ish-kryeministrit Sali Berisha.
https://www.youtube.com/watch?v=zq-gtVCzsrU
Pse ben lajm shkelzen berisha apo ju duhet per ta bere tabele qitjeje kuner Sali Berishes or te mjere edhe si eshte ne politike dhe fort biles shpejt do jete ne vijen e pare