Monika Kryemadhi është marrë personalisht me organizimin e shtabeve përkatëse për protestën e njoftuar më 16 Mars.Numri dy i opozitës nënvizon se ditën e shtunë do të rrëzohet kryeministri Edi Rama dhe se shqiptarët do të marrin në dorë fatin e tyre.
Kryemadhi tha se protesta e 16 shkurtit do jetë një nga më të mëdhatë dhe më të fortat që ka parë Shqipëria, ndërsa nuk ngurroi t’i japë zemër të pranishmëve duke thënë se nuk tremben më as nga vdekja.
Pjesë nga fjala e Kryemadhit:
Duhet t’u bëj vetëm një pyetje, ligjin për Teatrin, ligjin e pronave, që u grabitet prona qytetarëve, ligji i dividentit që favorizon oligarkët e shumë e shumë veprime të tjera të paligjshme, shkelja e Kushtetutës për zgjedhjen e Kryeprokurores, më thoni në cilën gjykatë mund të ankohet opozita sot. Ka dy vjet që Shqipëria është pa gjykatë Kushtetuese pa gjykatë të Lartë. Ka ngelur edhe pa parlament. Nuk mund të lejojmë që një i çmendur të marrë peng Shqipërinë.
Politika ka kusuret e saj, qoftë unë, qoftë Petriti, por nuk ka kusure Floida, Keidi, por ne kusuret tona do t’i lajmë dhe do përgjigjemi deri në fund. Kjo është qeveria që grabit qytetarët e saj, kjo është qeveria që grabit votuesit e saj. Sot më shumë se kurrë shqiptarët do të dalin në shesh, jo për të shantazhuar por për të thënë që jemi të lirë. Fatet tona nuk i ka në dorë as Edi Rama, as banditët e Edi Ramës. Ndaj ju lutem me dorë në zemër, sepse është shumë e rëndësishme që në 16 mars të tregojmë se Shqipëria është aty. Nuk na frikëson dot, nuk na frikëson as vdekja, jo më një shëmtirë.
