Deklarimi psikologjikisht fatal i Ilir Metës, se është gati t’i fusë plumbin edhe vehtes, për interesat e vendit dhe lumturinë e popullit, përveçse qëndrim komik, është kapitullim i një të “mbyturi” në krime e korrupsion, që bën demagogji për larje mëkatesh, si përpëlitje mjerane për të shpëtuar nga drejtësia, megjithëse e di tashmë, se SHBA ia ka “thyer lapsin” dhe gjendet në “rënkimin e fundit” të ikjes nga jeta politike, në rrugën drejt prangave e sektuestros
Presidenti Ilir Metaj, ka shpallur kapitullimin e plotë institucional e psikologjik (vetë-vrasje), në pamundësi për të rimarrë pushtet nëpërmjet partisë së gruas dhe Saliut, i dështuar në skemën për të bllokuar e nxjerrë jashtë loje reformën në drëjtësi, i gjendur përballë shkarkimit të bandës së tij në KLD, Ministrinë e Drejtësisë Prokurori, Gjykatën e Lartë e Gjykatën Kushtetuese.
Plotësisht i bindur, se do shkarkohet nga “parlamenti i maliqëve” dhe vetëm 24 orë pas njoftimit, se brenda muajit prill 2019, votohen e kompletohen gjithë strukturat e drejtësisë së re që formatuan SHBA-BE, (ish)Presidenti Ilir Metaj, ka deklaruar publikisht, “dëshirën” për të dorëzuar mandatin presidencial, duke e paraqitur këtë vetë-largim, si gjoja “sakrificë shërbimi ndaj vendit e popullit”.
Si për koinçidencë, si gjithë ata që vetëmbyten, edhe Presidenti Ilir Metaj, kishte zgjedhur bregun e “gjolit” të Pogradecit, për të lënë “amanetin” e ikjes me “bisht ndër shalë”, para shkarkimit nga detyra, prej parlamentit që ai dhe gruaja e tij, menduan se do ta shpërndanin, jo si ilegjitim, por për të vonuar shkuarjen e tyre para ligjit.
Si të gjithë ata, që në fund të krimeve të tyre e në fillim të përballjes me mëkatet e bëra, me saktë, si gjithë sundimtarët e 30 viteve të fundit në Ballkan, Afrikë e Botën Arabe, edhe Ilir Metaj e paraqiti kapitullimin dhe vetë-largimin, me parlajmërimin për vetë-vrasje, gjoja i detyruar nga kriza në Shqipëri.
Nuk e dimë, nëse Ilir Metaj, do ta bëjë këtë akt në emër të zgjidhjes së krizës, për të hapur rrugën e integrimit në BE siç thotë, apo për shkak të krizës së rëndë psikologjike nga përballja e afërt me drejtësinë, por dekrata e tij, ishte një akuzë e rëndë edhe për SHBA.
Akuza qëndron, në paralelen tinëzare, që Ilir Metaj i bëri pozitës së tij të rënduar, si President i kapitulluar, duke e cilësuar të njëjtë, me gjendjen e ish-homologut të tij në Kili, Salvador Allende, që vrau veten para rrëzimit nga pushteti, kur Ilir Metaj ishte 4 vjeç (1973), duke e cilësuar “grusht shteti të organizuar e financuar nga SHBA”.
Nëse jo, përse “tinëzari” Ilir Metaj, duhej ta bënte krahasimin e vetë-largimit dhe flijimit të tij të mundshëm, me precedentin presidencial të Republikës së Kilit?!/Pamfleti
