Sot mbushen plot 15 vjet nga vrasja e ish-kryeministrit serb, Zoran Gjingjic. Ai u vra më 12 Mars të vitit 2003 nga një snajper në qendër të Beograadit, pranë ndërtesës së qeverisë.
Qeveria e Gjingjiqit ka bashkëpunuar me Tribunalin e Hagës për Krime Lufte dhe ka arrestuar dhe ekstraduar në këtë gjykatë disa të akuzuar.
Organizatori i vrasjes, Millorad Ulemek Llegija, dhe snajperisti Zvezdan Jovanoviq janë dënuar me nga 40 vjet burgim.
Ai ka qenë kryeministri i parë serb i zgjedhur pas rënies së regjimit të Sllobodan Millosheviqit në vitin 2000.
Ka qenë edhe doktor i shkencave filozofike, njëri nga themeluesit e Partisë Demokratike, Kryetar i Qeverisë së Serbisë (2001-2003) dhe kryetar i qytetit të Beogradit (1997).
