Pothuajse të gjitha mediat në Shqipëri kanë përcjellë një lajm, ku thuhej se ne aeroportin e Roissy të Parisit janë bllokuar 23 mln euro që kishin destinacion Shqipërinë.
Pas këtij lajmi, asnjë media në Shqipëri nuk e mori mundimin të verifikontë vërtetësinë e lajmit, i cili në fakt është i rremë.
Është vetë ministria e Brendshme Franceze, e cila ka reaguar duke hedhur poshtë këtë lajm.
Sipas ministrisë së brendshme franceze, në aeroportin e Parisit nuk është bllokuar asnjë bagazh me 23 mln Euro dhe e gjitha kjo është një ‘fake news’.
Kjo ngjarje është një tjetër rast ku tregohet dobësia e medias në Shqipëri, e cila pa bërë asnjë verifikim, boton lajme.
Por, nuk kishte si të mungonte në këtë ngjarje dhe digjitali Sali Berisha, i cili nisi të shkruante gjatë e gjerë për narkoshtetin dhe paratë e kapura të “krimit”, që po bëjnë jehon në gjithë Francën dhe Europën… por që më pas ka fshirë statusin.
Ekskluzive.al ka ruajtur statusin e Berishës, si një provë e vogël të dhjetra marrëzive dhe shpifjeve të tij./Ekskluzive.al
