Gjykata e Tiranës ka zhvilluar sot seancën e padisë për shpifje që kryeministri Edi Rama ka bërë ndaj kreut të opozitës për shpifje.
Padia që kryeministri ka bërë ka lidhje më një deklarate të Bashës që akuzon, se kryeministri po mbron kupolën e Policisë së Shtetit, sipas tij të implikuar në çështjen “Babale”.
Avokatët e kryeministrit Rama kanë kërkuar si dëmshpërblim vlerën e 1 milion lekëve të reja.
Ndërsa avokati i kreut të PD, Ledio Braho pretendoi në mbrojtjen e tij se deklarata nuk është shpifje, pasi është bërë pas deklaratës së Ramës në media.
Padia është shqyrtuar nga gjyqtari Flamur Kapllani dhe pas dëgjimit të avokatëve gjyqtari caktoi një ekspert IT nëse ekzistojnë linqet e portaleve që kanë postuar deklarimet e Bashës, që janë dhe prova e paraqitur nga avokatët e kryeministrit Rama.
Seanca e radhës do të zhvillohet në datën 22 Maj.
