Sot PD ka shfrytëzuar fytyrën e një deputeteje të re, që më shumë fliste sesa kuptonte, për t’i bërë një kundërpërgjigje sa qesharake po aq edhe absurde, kundërshtarëve të saj socialistë.
E vënë prej ditësh në syrin e ciklonit për dyshimet e financimit nga Rusia, PD po sillet në mënyrën më të keqe të mundshme: në vend që të përballet me faktet dhe t’i sqarojë ato aq sa mundet, partia më e madhe e opozitës ka tentuar sot të shtojë më shumë tym dhe mjegull.
Në vend që të flasë sa e vërtetë është që dy kompanitë me aksionerë rusë kanë paguar pro saj, sot Oriela Pampuri njësoj si Basha pak ditë më parë tha se është Rama ai që ka lidhje okulte me Rusinë
“Edi Rama duhet të përgjigjet:
1. Kush i solli rusët e Gunvorit në zyrën e tij në Tiranë?
2. Çfarë u diskutua dhe u ra dakord me ta?
3. A ka Gunvor në Shqipëri një kompani të përbashëkt me Besnik Sulajn, mikun e ngushtë të Edi Ramës?
4. Çfarë marrëveshje ka bërë Edi Rama me Erdoganin për ndërtimin e Aeropotit të Vlorës nga një kompani që ndërton centrale bërthamore me kompani shtetërore ruse?
Gjithashtu Edi Rama duhet të përgjigjet:
1. Çfarë ka biseduar Damian Gjiknuri në Shën Petërsburg me Robert Noëikoskyn e Jurimexit, një personazh të cilësuar nga Senati Amerikan dhe Bashkimi Europian si person që rrezikon pavarësinë energjitike të Evropës?
2. Çfarë i është premtuar Jurimexit?”, lexoi ajo.
Por pas këtyre pikpyetjeve ngrihet një dilemë e thjeshtë. Pse PD po i rikthen këto akuza tani? Që kur i dinte? Pse nuk ka folur më parë për rrezikun e lidhjeve ruse të Ramës.
Apo strategjia është e thjeshtë: “ti më sulmon si njeri të rusëve, unë t’a kthej: i tyre je vetë”.
Kaq qesharake duket loja propagandistike e PD-së që për t’a vënë në skenë ka gjetur një figurë po aq fyçkë sa edhe homologja e saj socialiste, që është e aftë të recitojë pa kuptuar.(Lapsi.al)
