Me reagime të forta në sallën e gjyqit është shoqëruar seanca ndaj 31 militantëve të opozitës, të ndaluar për aktet e d.hunshme në protestë.
Mësohet se 11 prej të ndaluarve janë lënë nën masën a.rrest shtëpie, ndërsa 20 prej tyre në arrest me burg.
Këto masa sigurie kanë revoltuar prindërit e personave të mbetur në burg, të cilët kanë shpërthyer në ofendime dhe sharje para kamerave.
Babai i njërit prej protestuesve të lënë në burg, tha për mediat se djali sapo kishte ardhur nga Italia dhe kishte dalë për të protestuar për të drejtat e tij.
‘Të ikë diktatori, krimineli, gjakpirësi. Cuni pa punë, ka qenë në Itali, për dy javë ka ardhur si gjithë të tjerët.
Ne protestojmë për të drejtat tona. Për të gjithë pakënaqësitë, por edhe për thirrjet e opozitës, kemi protestuar për të drejtat tona.
Këta ta grisin kushetutën tonë, se këto e kanë nisur kushtetutën me e grisur, por s’kanë me ja arritur qëllimit.
Të grisin kushtetutën e Enver Hoxhës se i biri i Kristaq Ramës është, nipi i Spiro Kolekes, v.rasës diktatori.
K.riminelët, v.rasësi’, tha duke bërtitur qytetari, ndërsa bashkëshortja e tij pretendon se djali ka protestuar paqësisht.
‘S’ka bërë asgjë çuni, hapni kamerat ç’a ka bërë cuni im? Pse ma mbajnë çunin brenda.
Para një jave në Kavajë, në prokurinë e Kavajës kanë thirrur burrin tim, para një jave, së është demokrat, ç’a ka bërë burri im, tani më mbajnë çunin brenda, pse ta mbajnë?’, bërtiste e revoltuar gruaja.
