Me këtë votim të anëtarëve të komisionit të ligjeve, i hapet drita jeshile ngritjes së komisionit të posaçëm parlamentar, që do të shqyrtojë me detaje kërkesën e 55 deputetëve të maxhorancës, për shkarkimin e presidentit Ilir Meta.
Bashkim Fino pas votimit nuk e kurseu batutën në adresë të presidentit, duke u nxitur nga çfarë deklaroi kreu shtetit të martën kur tha, se 5 anëtarëve e kolegjit zgjedhor i ishte bërë presion dhe shantazh.
Adnor Shameti relator për raportin e komisionit të ligjeve e quajti të ligjshme kërkesën e 55 deputetëve.
Raporti komisionit të ligjeve me propozimin e ngritjes të komisionit të posaçëm hetimor parlamentar, do të diskutohet në seancë plenare të kuvendit në 4 Korrik.
Presidenti Ilir Meta bëhet i pari udhëheqës shteti shqiptar, që po përballet me atë që njihet si Impeachment- apo procedure shkarkimi e te inicuar nga maxhoranca qeverisëse, me motivacionin e shkeljes së kushtetutës pas çdekretimit të datës të zgjedhjeve.
Miratohet kërkesa që çon Presidentin drejt shkarkimi: Ngrihet “Komisioni Hetimor”
