Qytetarët drejt qendrave të votimit, militantët e PD përdorin taktikën e veçantë për t’i penguar

Ashtu siç ishte paralajmëruar nga Partia Demokratike, disa militantë janë gjendur pranë disa qendrave të votimit ku siç raportohet, ata u afrohen personave që votojnë duke u bërë thirrje për të mos votuar.
Në këtë skenar deri më tani nuk ka pasur dhunë, por vetëm thirrje për të mos votuar. Duke ditur këtë plan, edhe policia paralajmëroi dy ditë para zgjedhjeve, se grupimet e njerëzve para qendrave të votimit, janë të paligjshme, dhe aq më shumë, thirrjet për të mos votuar.Grupe të vogla militantësh janë parë pranë disa qendrave të votimit siç është në Vorë apo tek Shkolla e Baletit, dhe pasi qëndrojnë përreth 10 minuta, zhvendosen në qendra të tjera me të njëjtat thirrje.