Ish-ministri i PD Arben Imami thotë se sipas informacioneve të tij, Basha e dinte për përgjimet e Dibrës dhe blerjen e votave që në vitin 2017, para marrëveshjes së 17 majit. Imami ka bërë deklarata të forta duke thënë se dhe për dosjen e Durrësi ku përfshihet Vangjush Dako, Basha jo vetëm që ka qenë në dijeni, por e ka pasur atë të zbardhur. Më tej, Imami tha se kur ‘një person’ e kishte marrë në telefon për dosjen që kishte në dorë atë kohë, Basha kishte thënë se e kishte humbur.
‘Për informacionin që unë kam, Basha ka qenë në dijeni për përgjimet dhe blerjen e votave që në 2017, para marrëveshjes së 17 majit. Edhe Dosjen e Durrësit Basha e ka pasur të zbardhur… Unë i kam mësuar këto informacione para 1 viti e gjysmë kur shkëputa lidhjet. Di që e ka thënë te çadra kam një dosje, kur e mori ‘një person’ në telefon tha e kam humbur’, tha Arben Imami.
