Grida Duma,e larguar nga strukturat e PD-së si një ish deputete me njollë në biografi i është përgjigjur ish-Sekretarit të Përgjithshëm të PD, Arben Ristani, i cili një ditë më parë e quajti një gabim të rëndë vendimin e opozitës për të djegur mandatet.
Ish-deputetja Duma është shprehur se ky nuk është momenti për të matur suksesin e aksionit opozitar.
Lidhur me vendimin për djegien e mandateve, Duma iu kthye Ristanit, duke i thënë se sakrificat ekstreme shpërblehen. Më tej, ajo paralajmëroi se ka ardhur koha që t’i jepen kosto klasës së brendshme të partisë.
“Ky nuk është momenti për të matur suksesin e aksionit opozitar. Sakrificat ekstreme shpërblehen. Sa më i madh risku dhe sakrifica, aq më i madh është shpërblimi. Opozita e ka zbutur revoltën qytetare dhe qytetarët sot janë aksionerë të protestave të tyre. Është investuar shumë në këtë vend. Ka ardhur koha për t’i dhënë kostot klasës së brendshme”, ka deklaruar ish-deputetja Duma.
