Sazan Guri ka reaguar sërish lidhur me mundësinë e pranimit nga ana e tij të mandatit të deputetit pas vendimit të opozitës për të djegur mandatet dhe krijimit të vendeve vakante në Kuvend.
Guri shprehet se ai ka tentuar disa herë të futet në Parlament dhe Këshillin Bashkiak, por sipas tij, nuk ka arritur rezultate pasi “Ciliminjtë në Këshill Bashkiak dhe të paudhët me shumicë në Parlament kanë drejtuar këtë vend, sepse u vranë rregullat e zgjedhjeve, Ligjet e Kushtetutës”.
“Atëherë, çfarë ka ndryshuar që unë të provoj sërish mospërfilljen e klasës fisnike nga vij prej të dy prindërve, dhe të klasës intelektuale që unë përfaqësoj sot?”, shkruan Sazan Guri në rrjetet sociale i cili ka kandiduar gjatë zgjedhjeve të kaluara për deputet në listat e Partisë Demokratike.
Reagimi i plotë:
Ka ende qe thone, po edhe mund te vesh ne Parlament.
Per ke Parlament e kane fjalen? Per Parlamentin, ku votojne tre veta apo tre Kryetare partie dhe te tjeret ne rrjesht. Sepse, kur dolem ne me Tur Zhejin, Andrea Stefanin (ndjese past), ne 2008 per ‘vrasjen; qe iu be Kushtetutes, qytetaret flinin, dhe keto pasoja vuajme sot. Tjeter, une kam tentuar disa here per te qene pjese e Parlamentit, pjese e Keshillit Bashkiak, i pavarur apo me nje parti te caktuar. Rezultati?! Ciliminjte ne Keshill Bashkiak dhe te paudhet me shumice ne Parlament kane drejtuar kete vend, sepse u vrane rregullat e zgjedhjeve, Ligjet e Kushtetutes. At’here, cfare ka ndryshuar qe une te provoj serish mosperfilljen e klases fisnike nga vij prej te dy prinderve, dhe te klases intelektuale qe une perfaqesoj sot? Me shpjegoni keto ju qe me inkurajoni per te hyre ne Parlament, nese?
