Një shkrim i gazetës pranë opozitës në Mal të Zi, Pobjeda, sipas së cilës Shqipëria dhe Mali i Zi, kanë shkelur embargon me Rusinë, shkakoi diskutime edhe në mediat e Tiranës.
Për muaj të tërë, thuhet në shkrim, sasi të mëdhatë fertilizuesish artificialë u transportuan me kamionë nga ky port drejt Hanit te Hotit dhe më tej përmes territorit malazez drejt Serbisë, ndërsa kontigjente gruri u transportuan nga Serbia në Federatën Ruse në të njëjtën rrugë.
Në fakt, Mallrat bujqësore që kanë të bëjnë me ushqimin, dhe ato të lidhura me bujqësinë nuk janë nën sanksione nga SHBA. SHBA madje ka ndikuar fort që gjatë muajve të parë të luftës në Ukrainë, të mos shkaktohej një krizë ushqimore, si pasojë e bllokimit të kontratave të furnizimit. Madje një nga strategjitë e Vladimir Putin ka qenë pikërisht provokimi i një krize të rëndë ushqimore.
Në faqen zyrtare të Departamenti të Thesarit të SHBA, paraqitet një listë e material i detajuar që e shpjegon këtë çështje.
“Shtetet e Bashkuara mbështesin fuqimisht përpjekjet e Kombeve të Bashkuara për të sjellë grurin ukrainas dhe rus në tregjet botërore dhe për të reduktuar ndikimin e luftës së paprovokuar të Rusisë në Ukrainë, e cila ka përmirësuar furnizimet globale të ushqimit dhe ka rritur çmimet e ushqimeve në mbarë botën.
Tregtia bujqësore dhe mjekësore nuk janë objektiva të sanksioneve të vendosura nga Shtetet e Bashkuara ndaj Rusisë për luftën e saj të pajustifikuar kundër Ukrainës”,theksohet në njoftim. Ndërkaq në dokumentin e detajuar të të Dhënave të Sigurisë Ushqimore të OFAC është publikuar një material krejt i detajuar e i thjeshtë për të informuar sa më qartë publikun.
Në material, i cili është formuluar në formë pyetje përgjigjesh theksohet:” A e ndalojnë sanksionet e SHBA eksportimin e mallrave bujqësore nga, në, tranzit, apo që ka lidhje me Rusinë?
Jo. Shtetet e Bashkuara nuk kanë vendosur sanksione mbi eksportimin e mallrave bujqësore nga, në ose duke përfshirë Rusinë. E Si pasojë edhe transaksionet që kanë të bëjnë me procedurat tregtare për këtë produkte nuk janë nën sanksione.
Shtetet e Bashkuara kanë vendosur një ndalim për importin e origjinës nga Federata Ruse për peshkun, ushqimet me origjinë deti.
