Aktori Angus Cloud, i cili luajti në serialin hit Euphoria, ka vdekur në moshën 25-vjeçare. Cloud, i cili luante rolin e tregtarit të drogës Fezco “Fez” O’Neill, vdiq në shtëpinë e familjes së tij në Oakland, Kaliforni.
“Na u desh t’i themi lamtumirë një njeriu të jashtëzakonshëm sot”, thuhet në një deklaratë nga familja e Cloud.
Një javë më parë, aktorit 25-vjeçar i vdiq babai dhe Angus Cloud ishte në një ‘betejë me shëndetin mendor’.
“E vetmja ngushëllim që kemi është të dimë se Angus tani është ribashkuar me babanë e tij, i cili ishte shoku i tij më i mirë”, thuhej në deklaratë.
Shkaku i vdekjes nuk është dhënë. Një burim i afërt me familjen e Cloud tha për Entertainment Tonight se Cloud “kishte qenë duke luftuar me mendime të rënda për vetëvrasje” pasi u kthye nga Irlanda ku kishte varrosur babanë e tij.
HBO në një deklaratë tha se janë të pikëlluar për humbjen e Angus Cloud.
“Ne jemi jashtëzakonisht të pikëlluar kur mësuam për vdekjen e Angus Cloud. Ai ishte jashtëzakonisht i talentuar dhe një pjesë e dashur e familjes HBO dhe Euphoria,” tha HBO në një deklaratë.
“Ne shprehim ngushëllimet tona më të thella për miqtë dhe familjen e tij gjatë kësaj kohe të vështirë.”
Cloud kishte luajtur role në filmat North Hollywood dhe The Line. Ai ishte shfaqur gjithashtu në videoklipe për artistë duke përfshirë Becky G, Karol G dhe Juice WRLD.
Por karriera e tij me të vërtetë mori hov pasi mori pjesë në filmin Euphoria.
