Ministri Arben Ahmetaj gjatë një takimi me të rinjtë ka hedhur akuza drejt sistemit të punësimit në vendin tonë pasi sipas tij ka ende vend për kritika.
Ai deklaroi se, Shërbimi Kombëtar i Punësimit është ende shumë larg objektivit të qeverisë Rama. Ndaj në fokus të qeverisë do të jetë kthimi i Zyrave të Punës në shërbim të plotë të qytetarëve.
Gjatë fjalës së tij Ahmetaj u shpreh:“Pjesë e këtij takim janë shumë sipërmarrje që kanë bashkëpunim me zyrat e punës dhe Shërbimin Kombëtar të Punësimit, në funksion të punësimit të të rinjve, por edhe të ndërmjetësimit.
Jemi ende larg asaj që duam të jemi me ndërmjetësimin, për nevojat dhe aftësitë që ofron tregun në dy anët e vet, por në 2018 duam të kthejmë Shërbimin Kombëtar të Punësimit në një mision, jo thjesht një zyrë, jo thjesht një ndërmjetësim. Synojmë që të ketë një zyrë, një shërbim, një mision, që i jep dritë një familje, duke i ofruar një punë”.
