Skuadra e Brazilit është ekipi pretendet për të fituar Kupën e Botës. Arsyeja? E thjeshtë, nga porta në sulm, amerikano-jugorët zotërojnë një arsenal të jashtëzakonshëm lojtarësh. Megjithatë, në seancat e fundit para Botërorit, një nga lojtarët e rëndësishëm të skuadrës është dëmtuar.
Fjala është për mesfushorin e Shakhtas Donetsk, Fred. Ky i fundit u transferua te Manchester United për 52 milionë euro. Futbollisti u dëmtua në kavilje pas një përplasjeje me mesfushorin e Real Madrid-it, Casemiro. Stafi mjekësor i 5 herë kampionëve të botës deklaroi se lojtari ka nevojë për një skanim në kavilje.
Fred rrezikon Botërorin, por kjo nuk do të ndikojë aspak te Brazili, pasi në mesfushë ka futbollistë fantastikë si Casemiro, Paulinho, Renato Augusto, William, etj. Skuadra e trajnerit Tite është e tejngopur, por numri një i stolit shpreson të ketë Fredin, pasi është një alternativë e mirë që mund të futet nga stoli.
