Të paktën katër persona kanë humbur jetën si pasojë e një orteku në alpet franceze.
Lajmi është bërë i ditur nga ministri i brendshëm i Francës, i cili tha se mund të shtohet numri i viktimave. Mendohet se viktimat ishin mes një grupi alpinistësh.
Orteku u rrëzua nga akullnaja Armancette në Contamines-Montjoie, në rajonin Haute-Savoie, rreth 30 kilometra në jugperëndim të Chamonix.
Deri më tani nuk ka informacion mbi identitetin e viktimave.
