Drejtuesi i Strukturës së Posaçme Kundër Korrupsionit dhe Krimit të Organizuar (SPAK) Altin Dumani, ndodhet në SHBA. Ai pritet të zhvillojë sot, më 2 shtator, një takim të rëndësishëm në Departamentin e Shtetit në Uashington.
Lajmi është bërë i ditur në faqen zyrtare të DASH-it: “Në orën 16:30 (sipas orës lokale) zyrtari i Lartë i Byrosë, Brendan P. Hanrahan, do të takohet me kreun e Strukturës së Posaçme Kundër Korrupsionit dhe Krimit të Organizuar të Shqipërisë, Altin Dumani, në Departamentin e Shtetit.” Takimi i bie të zhvillohet në orën 22:30 me orarin e Shqipërisë.
Në njoftim nuk bëhen me dije detaje të tjera, përveçse që takimi do të mbahet me dyer të mbyllura dhe që nuk do të ketë mbulim mediatik.
