Shqiptaro-amerikani Alban Dervishi është zyrtarisht Komandant i luftëanijes amerikane “USS Pearl Harbor” dhe një urim të veçantë për këtë detyrë të lartë ai e ka marrë nga Ambasada e Shteteve të Bashkuara të Amerikës në Tiranë.
Ceremonia zyrtare e gradimit të tij si Komandant i USS Pearl Harbor, apo e ndërrimit të komandës së luftëanijes u zhvillua në San Diego javën e kaluar dhe Alban Dervishi ka marrë zyrtarisht detyrën që shënjon një moment historik në karrierën e tij.
Alban Dervishi ka lindur në Tiranë dhe rrjedh nga një familje ushtarake, e cila 25 vite më parë zgjodhi të emigrojë drejt Shteteve të Bashkuara të Amerikës për të jetuar pikërisht ëndrrën amerikane. Sot, djali i familjes Dervishi është Komandant i luftëanijes amerikane.
Families of 737 MAX Crash Victims Seek Justice
Keep Watching
“Gjatë karrierës sime kam qenë në 7 anije të ndryshme ushtarake dhe kam lundruar në çdo det të ndryshëm të botës, duke përfshirë operacionet më kritike si lufta në Afganistan, Irak dhe operacione të tjera. Ka një theks të caktuar atje dhe gjithmonë më pyesin nga vij dhe unë e them me shumë krenari se jam shqiptar”, tha Alban Dervishi në videon e publikuar nga Ambasada Amerikane në Tiranë.
Misioni i “USS Pearl Harbor” është të transportojë dhe lëshojë mjete amfibe, automjete, ekuipazhe dhe personel të hipur në anije në një sulm amfib. Një LSD gjithashtu mund të ofrojë shërbim të kufizuar ankorimi dhe riparimi për anije dhe mjete të vogla, dhe të veprojë si Anija Kryesore e Kontrollit (PCS) gjatë sulmeve amfibe.
USS Pearl Harbor (LSD 52) është një anije zbarkimi e klasit Harpers Ferry e Marinës së Shteteve të Bashkuara. Ajo u emërua sipas Pearl Harbor, vendi ku filloi Lufta e Dytë Botërore për Shtetet e Bashkuara. Pearl Harbor u hodh në det më 27 janar 1995.
