Kualifikueset e Euro 2024 dhuruan rezultate interesante sonte. Anglia triumfoi 3-1 ndaj Italisë në Wembley, në takimin e vlefshëm për grupin C.
Ndeshja nisi me ritëm që në fillim, teksa skuadrat kërkonin të zhbllokonin sfidën sa më shpejt të ishte e mundur. Pas çerek ore lojë, një aksion me shumë pasime i ekipit të Spalletit finalizohet me gol. Një krosim tokazi i Di Lorenzo gjeti Scamaccan në zonë, me sulmuesin që u tregua i saktë para porte.
Nëse Di Lorenzo ishte njeriu-asist te goli i axurrëve, pak më vonë bëhet “djall”. Ai shkaktoi penallti, pas një ndërhyerje ndaj Bellingham.
Ekzekutim perfekt i Harry Kane, topi shkoi në njërin krah, ndërsa portieri Donarumma në tjetrin. Në minutën e 57-të, Rashford përmbysi llogaritë, duke kthyer gjithçka në favorin e “3 luanëve”. Për goli ne 3-të të ekipit të Southgate mendoi Kane (77’).
Ukraina mundi 1-3 Maltën me përmbysje, sukses mjaft i rëndësishëm ky. Me këtë rezultate në këtë grup, Anglia kryeson me 16 pikë, 3 pikë më shumës e Ukraina. Italia është në vendin e 3-të me 10 pikë.
Në Grupin C, Serbia ia del 3-1 ndaj Malit të zi. Barazim spektakolar mes Hungarisë dhe Lituanisë, me shifrat 2-2. Në këtë grup tashmë situata është mjaft interesante, 3 skuadra në garë për dy bileta që të dërgojnë në Euro 2024. Sa i takon renditjes, hungarezët kryesojnë me 13 pikë, po aq pikë kanë grumbulluar edhe serbët e vendit të dytë. 8 pikë ka Mali i zi i pozitës së 3-të, sakaq Lituania ka 6 pikë.
