Pas prestigjiozes britanike “The Guardian”, revista e njohur “Apolitical” i ka kushtuar një artikull të veçantë Tiranës si një qytet model edhe për shumë qytete të tjera në botë për mënyrën se si po projektohet e ardhmja e tij duke vendosur në qendër fëmijët.
Teksa përqendrohet në përshtatjen e qytetit me fëmijët, “Apolitical” thekson se administrata e Veliaj ishte në gjendje të ringjallte një ndjenjë optimizmi dhe krenarie qytetare. Më tej sqarohet se lagjet përreth zonave të reja të parkut të projektuara dhe të vendosura posaçërisht për fëmijët, panë nivele shumë më të ulëta të vandalizmit dhe familjet që kishin lëvizur jashtë vendit filluan të kthehen për të kaluar verën e tyre në Tiranë.
Artikulli nënvizon më tej se ashtu sikurse Tirana, edhe shumë qytete në mbarë botën po kuptojnë tani se planifikimi dhe drejtimi i qyteteve të tyre për fëmijët mund të ndihmojë të përballojnë sfidat e mëdha me të cilat do të përballen në dekadat e ardhshme. Duke cituar kryebashkiakun e Tiranës, revista e njohur “Apolitical” thotë se politikanë si Veliaj, të cilët janë të angazhuar për fëmijët në qytetet e tyre, besojnë se kjo strategji mund të përmirësojë kushtet e jetesës të të gjithë qytetarëve.
Dëshironi të provoni qytetin tuaj të ardhshëm? Projektojeni atë për banorët më të rinj!
Në vitin 2015, Erion Veliaj vendosi të provojë diçka të ndryshme me qytetin e tij. Kryebashkiaku i zgjedhur i kryeqytetit shqiptar me 53.6% të votave, filloi të organizonte takime të rregullta mes fëmijëve të kryeqytetit dhe stafit të tij. Një herë në muaj, nxënësit e shkollave të mesme u ftuan për të “mbikëqyrur” administratën e lartë dhe që zyrtarët publikë të njiheshin me dëshirat e kërkesat e tyre për qytetin.
“Sapo administrata filloi të fokusohej tek fëmijët – një e treta e popullsisë sonë – një e treta e kohës sonë, një e treta e përpjekjeve tona, një e treta e vendimmarrjes dhe e të menduarit, me të vërtetë e ndryshoi qytetin”, tha Veliaj.
“Qytetet shpenzojnë aq shumë para për të ftuar arkitektët dhe planifikuesit urbanë dhe për të gjetur gjëra që janë jashtë funksionit. Ato krijojnë infrastrukturë të madhe, por aty nuk ka jetë. ”
Duke u fokusuar në përshtatjen e qytetit me fëmijët, administrata e Veliaj ishte në gjendje të ringjallte një ndjenjë optimizmi dhe krenarie qytetare. Lagjet përreth zonave të reja të parkut të projektuara dhe të vendosura posaçërisht për fëmijët, panë nivele shumë më të ulëta të vandalizmit dhe familjet që kishin lëvizur jashtë vendit filluan të kthehen për të kaluar verën e tyre në Tiranë.
Shumë qytete në mbarë botën po kuptojnë tani se planifikimi dhe drejtimi i qyteteve të tyre për fëmijët mund t’u ndihmojnë atyre të përballojnë sfidat e mëdha me të cilat do të përballen në dekadat e ardhshme.
