Policia u hoqi mjetet e blinduara kriminelëve, por jo armët’
Gazetari investigativ, Artan Hoxha, ka paralajmëruar të tjera ngjarje kriminale në Shkodër e mbarë vendin. Hoxha ka deklaruar mbrëmjen e kaluar në ‘Report Tv’ se do të ketë ngjarje të tjera ditët në vijim, pasi sipas tj, policia ka sekuestruar mjetet e blinduara të bandave kriminale, por nuk ju ka marrë armët.
Më tej, gazetari investigativ duke komentuar aksionin e policisë dhe RENEA-s në Shkodër, ku u arrestuan katër persona të dsyhuar, është shprehur se ‘kokat’ e grupeve kriminale nuk janë kapur dhe vazhdojnë të lëvizin të lirë. Sipas tij, mesazhi i kriminelëve është i qartë, teksa duan të thonë se ‘po duam jemi ne Zot’.
“Numri i mjeteve të bllokuara është më i madh se ai i deklaruar, njëri ishte më i rëndë sesa ishte kapaciteti i karrotrecit madje… Ka njerëz të dy familjeve (Bajraj dhe Lici) që janë shoqëruar, por edhe që kanë pasur lidhje shoqërore me ata. Policia ka bërë një krehje aty. Shkodra, Elbasani dhe Vlora e kanë më të agravuar situatën. Në vijim do të ketë ngjarje të tjera. Sot policia u hoqi mjetet e blinduara dhe jo armët. Kryesorët kanë lëvizur nuk janë kapur. Mesazhi është ‘po të duam jemi ne Zot’”, tha Hoxha.
