Gazetari Artan Hoxha ka kritikuar kritikon ashpër politikanët shqiptarë të cilët kanë heshtur sot përballë shfaqjes antishqiptare që u bë sot gjatë ceremonisë së varrimit të ekstremistit grek Kostandin Kacifa.Hoxha shprehet se sot në Bularat ishin të pranishëm esktremistë e ushtarakë të njohur grekë.
“Personi që e derjtoi këtë është Harallamb Karathanos, apo Babi Karathanos, një personazh shumë i njohur për organizimet antishqiptare në Greqi. E kam denoncuar për 15 vite rresht. Për herën e fundit unë e kam nxjerrë atë në Himarë, në datën 8 maj, për zgjedhje, në 2011. Ishte i shoqëruar nga një grup personash të cilët ishin anëtarë të skuadrave të Agimit të Artë. Ai ka qenë shumë i interesuar për kandidatin Bollano në atë kohë.
Shfaqja e tij, ose rishfaqja e tij në ngjarjen e fundit…Edhe pse autoritetet tona kanë bërë sikur kanë mbyllur sytë, janë të njëjtat fytyra. Nuk e di çfarë duhet të bëjnë më shumë ata që autoritetet tona të veprojnë.
Nëse ne do të ishim një shtet serioz ne nuk duhet t’i linim këta që në Kakavijë. Ka edhe mundësi të jetë futur ilegalisht, pasi ai origjinën e hershme e ka shqiptare.”-tha Hoxha.
