Instituti i Sigurimeve Shoqërore me në krye Astrit Hadon ka ekzekutuar një vendim gjyqësor në mënyrë të diskutueshme në interes të kompanisë Trema Engineering 2, pas të cilës fshihet oligarku rus Oleg Deripaska, njeriu më i besuar i Putinit në punët e zeza, pjesë e sanksioneve të Shteteve të Bashkuara të Amerikës që nga viti 2018.
Bëhet fjalë për vendimin gjyqësor të vitit 2014, me numër 9417, ku ISHSH-ja detyrohej të përmbushte disa detyrime kontraktore ndaj kompanisë së oligarkut rus, në vlerë rreth 40 milionë lekë, bashku me detyrimet për çdo ditë vonesë.
Një burim brenda ISSH-së tha se vendimi është ekzekutuar jashtë afatit prej 3 vitesh.
Vendimi për llogari të kompanisë Trema Engineering 2 është ekzekutuar pas 8 vitesh nga Astrit Hado dhe grupi i tij në ISSH, të cilët janē kapur duke vjedhur naftën dhe përdorur makinat e institucionit për punë familjare.
Oleg Deripaska, sipas autoriteteve amerikane, korruptoi ish-zyrtarin e lartë të FBI-së në Nju Jork Charles McGonigal, i cili u arrestuar.
Oleg Deripaska, për të humbur gjurmët, i kalonte paratë në llogari ish sigurimsit kodosh Agron Neza. Më pas Neza ia jepte pararë Charles McGonigal.
Mbi 200 USD, Neza ia ka dhënë McGonigal pasi kanë takuar kryeministrin Edi Rama.
Oleg Deripaska ka depërtuar në heshtje edhe në Shqipëri, madje duke futur në dorë pasuri të rëndësishme publike, përmes ortakërisë me oligarkët tanë dhe korruptimit të zyrtarëve dhe ish zyrtarëve publikë.
Damian Gjiknuri, kur ishte ministër i Energjitikës, i ka dhënë Oleg Deripaskës hidrocentralin e Shushicës, përmes kompanisë Trema Engineering 2 me nipt: K21401004R, të cilën oligarku rus e kontrollon me anë të një kompanisë Stratbag AG në Austri.
Përfaqësuesit e oligarkut të Putinit tek kompania e tij në Shqipëri, janë Enis Kariqi dhe Eduart Gjana.
Stratbag dhe Trema Engineering 2 kanë marrë mbi 70 milionë euro tendera të dyshimtë në Shqipëri.
Ish agjenti i FBI, Charles McGonigal
54-vjeçari McGonigal, 54 vjeç akuzohet për shkelje të sanksioneve të SHBA-së pasi ishte përpjekur të hiqte Deripaskën nga lista “non grata”.
McGonigal është një nga ish-zyrtarët e rangut më të lartë të FBI-së i akuzuar ndonjëherë për një krim të tillë.
Madje McGonigal dhe përkthyesi Shestakov akuzohen se ranë dakord në vitin 2021 të hetojnë një oligark rival rus në këmbim të pagesave nga Deripaska.
McGonigal dhe Shestakov akuzohen për marrjen e pagesave përmes kompanive guaskë dhe falsifikimin e nënshkrimeve për të mbajtur të fshehtë që Deripaska po i paguante ata.
Të dy përballen me akuza për pastrim parash përveç akuzës për shkelje të sanksioneve.
