Ish-nënkryetari i Partisë Demokratike, Astrit Patozi përshëndet krijimin e grupit parlamentar të Partisë Demokratike, të drejtuar nga Rudina Hajdari, pas hyrjes në Parlament të deputetëve të rinj.
“Urimet më të mira dhe suksese Grupit Parlamentar Demokrat! Opozitë të fortë dhe denoncim të qeverisë së korruptuar, në mbrojtje të interesit publik. Përfaqësim dinjitoz të zgjedhësve në parlament dhe përgatitje e alternativës së re për qytetarët shqiptarë”, shkruan ai.
Patozi e cilëson fantastike kauzën për ndryshimin dhe riformatimin e sistemit politik në Shqipëri, si rrugën e vetme për ta nxjerrë shoqërinë nga nofullat e partitokracisë, e cila ushqen korrupsionin, autoritarizmin, padrejtësisë, abuzimin me pushtetin, dhe mbi të gjitha deformon hapur dhe qartë vullnetin e qytetarëve.
“Beteja dhe fitorja e kësaj kauze është parakushti kryesor për zgjedhjet e lira dhe të ndershme në Shqipëri. Me këmbë të mbarë”, vijon Patozi. /a.y/noa.al
Zgjedhjet e 30 qershorit, Rudina Hajdari sfidon Bashën: S’e lëmë vendin pa opozitë!
Opozita e re me dy grupe parlamentare, kush e drejton PD dhe kush LSI
