Gjatë protestës së opozitës sot para Parlamentit u përfol se u hodhën në drejtim të policisë disa shishe të mbushura me benzinë.
Lidhur me këtë, Taluant Balla tha se Lulzim Basha dhe Monika Kryemadhi “prodhuan një lloj salce speciale”.
Duke ironizuar, më tej Balla tha se shishja ishte “molotov”, “duke qenë se këta i kanë qejf rusët”.
“Monika dhe Luli kanë prodhuar një lloj salce speciale, kokteli molotov, se këta i kanë qejf edhe rusët. Lulzim Basha është përsëritës i një marrëdhënie të dyshimtë me rusët.
Sigurisht nuk është e rastësishme dhe disa element nuk janë të rastësishëm. 16 shkurti ishte programuar edhe këtu edhe në Podgoricë.
PD ka një udhëheqës dhe ai është Saliu. Drejtori është Lulzimi. Nuk është se sot drejtori pyetet. Është ajo thënia që pas meje u bëftë hataja.
“Nesër institucionet e policisë së shtetit do të identifikojnë edhe njerëzit që kanë ushtruar dhunë. Siç ndodhi edhe në 16 shkurt, personat e identifikuar si të dhunshëm do të marrin ndëshkimin e merituar Kjo mazhorancë ka marrë verdiktin e popullit për të qeverisur.
Ne sot votuam dhe dy institucionet e reja KLGJ dhe KLP u miratuan. Prej nesër këto institucione do fillojnë punën normalisht. Sot PD ka rrëshqitur.
Në selinë e PD u mbushën bidona me benzinë. Nuk janë shishe me bojë ato bidona, por gjithësi këtë do ta identifikojë ekspertiza”– u shpreh Balla në emisionin “Dritare me Rudinën”.
