Në kushtet e mungesës së opozitës, lufta për pasuri dhe pushtet zhvillohet brenda kampit të pushtetit. Një nga klanet politike të korrupsionit, i stimuluar edhe nga vetë Edi Rama për barazpeshë, është ai i Belinda Ballukut.
Edhe pse baza e saj në elektorat është e papërfillshme, Rama e ka suportuar në mënyrë artificiale Belinda Ballukun, duke e vendosur prej janarit 2019 në krye të një prej degëve kryesore të qeverisë për qarkullimin e parave, siç është Ministria e Infrastrukturës dhe Energjisë, e cila ka në varësi disa drejtori po aq të rëndësishme sa disa ministri të tjera.
Belinda Balluku udhëheq prej tre vitesh një çetë korrupsioni, duke përdorur si debelë Evis Berberin të rrugëve, Ergys Verdhon të KESH, Çelën e OSHEE etj., për kanalizimin e qindra milionë eurove në llogaritë Rrok Gjokës, Bashkim Ulajt, Çim Fushës dhe disa klientëve të tjerë.
Por vjedhja milionave eurove, duke i pastruar dhe investuar në pasuri të palujtshme, offshore dhe konvertuar bitcoin, nuk mjaton.
Belës i duhet zhurmë dhe suport mediatik për të shpërqëndruar SPAK-un, mbrojtur aferat dhe sulmuar kundërshtarët brenda pushtetit.
Kështu, me paratë e aferave korruptive me tendera dhe koncensione klienteliste, Balluku dhe tre zarat e saj financojnë qarqe mediatike.
Befasia qëndron në faktin se Belinda finacon edhe disa portale fundërrinash, vegla të politikanëve që janë shpallur non grata nga SHBA për korrupsion.
Nuk janë thjeshtë portale fundërrinash dhe me zero impakt në publik, por edhe të damkosur për gjobëvënie, shantazh ordiner, që nuk merren seriozisht dhe për referencë nga asnjë faktor, thjeshtë mbetje toksike që mendojnë se janë media.
Bëhet fjalë për pijanecë, drogaxhinj, sekserë dhe zarfaxhinj, që herë shfaqen si zyrtarë publikë dhe herë si pseudogazetarë, me vila dhe makina luksoze, të përfshirë në pastrim parash dhe që lëshojnë portalet me qira në shërbim të krimit dhe korrupsionit.
Pikërisht tek këto fundërrina që mbledhin zarfe gjobash, Belinda ka vendosur të çojë një pjesë të parave që vjedh në buxhetin e shtetit.
Portale të tilla, Balluku i përdor edhe për të promovuar kandidatët e saj në PD që do të konfirmohen përballë kandidatëve të PS-së në zgjedhjet lokale, sic është rasti i Belind Këlliçit, vëllai i të cilit është implikuar në aferën e Portit të Durrësit, si i besuar i Belës.
