Mbrëmjen e sotme ka përfunduar faza e grupeve në Champions League. Skuadrat pjesëmarrëse kanë zhvilluar 6 takimet që kishin në dispozicion dhe tashmë verdikti përfundimtar është vendosur. 16 ekipe presin biletën për në fazën me eliminim direkt, ndër të cilat mungojnë tre emra të mëdhenj të arenës europiane.
Bëhet fjalë për Barcelonën, Juventusin dhe Atletikon e Madridit. Dy të parat do të vazhdojnë rrugëtimin në Europa League, ndërsa madrilenët patën fatin e keq për t’i thënë lamtumirë një herë e mirë Europës për këtë sezon.
Por nuk mungon konkurrenca në raundin e 1/16-ve. Klube me traditë dhe histori të lavdishme do të luajnë shanset e tyre për t’i shkuar deri në fund këtij kompeticioni. Napoli, Porto, Bayern Munich, Tottenham, Chelsea, Real Madrid, Manchester City dhe Benfinca janë kualifikuar më tej si ekipet e renditura në vendin e parë në grupin e tyre.
Ndërkaq, Liverpool, Club Brugge, Inter, Eintracht Frankfurt, Milan, Leipzig, Dortmund dhe PSG kualifikohen pasi kanë zënë vendin e dytë në grup./Halit Delibashi-Sport Ekspres/
Ekipet e kualifikuara në Champions League
Vazo 1
Napoli
Porto
Bayern Munich
Tottenham
Chelsea
Real Madrid
Manchester City
Benfica
Vazo 2
Liverpool
Club Brugge
Inter
Eintracht Frankfurt
Milan
Leipzig
Dortmund
PSG
