ë mësuar me kryeministrat e tjerë, por dhe me vetë Ramën ku, sa herë kërkohej ndryshim qeverie nuk realizohej asnjëherë, lëvizja e Ramës me zëvendësimin e thuajse gjithë kabinetit qeveritar ka tronditur nga themelet PD e LSI, tronditja e dytë kjo pas refuzimit të studentëve ndaj tyre. Basha tha se Rama duhet t’i çojë dhe para drejtësisë ata ministra që u shkarkuan sot, duke qënë solidar me tërë veprimet e Kryeministrit. Ndërsa Kryemadhi ka nxituar të deklarojë se qeveria Rama ka rënë dhe tashmë shqiptarët të bëhen gati të shijojnë qeverisjen më të mirë të PD dhe të LSI, në koalicionin e radhës. Opozita gjendet e zhveshur, pa kauzë
Edi Rama bëri ndryshime në qeveri jo nga presioni i opozitës siç ndodh në çdo vend të botës, por nga vënia me shpatulla pas murit që i bënë studentët me protestën e tyre 15 ditore.
Këtë e pranoi vetë kryeministri që në hyrje të mbledhjes së Asamblesë Kombëtare të PS, teksa tha se kishte ngrënë një shpullë nga studentët dhe për pasojë, ktheu dhe faqen tjetër.
Duke treguar qartë se Rama u tremb dhe nga paralajmërimi i studentëve për një protestë akoma më të madhe pas pushimeve të fundvitit, ndërkohë që “Paketën për Universitetin” të qeverisë e quajnë të paplotë dhe që nuk realizon kërkesat e tyre.
Dhe teksa përdori si argument presionin e studentëve për të bërë këto reprezalje në qeveri dhe jo forcën goditëse të opozitës të cilën as që e llogarit fare, kreu i qeverisë me lëvizjen e tij të papritur duke ndryshuar gati tërë kabinetin, zuri në befasi Bashën dhe Monikën.
Të mësuar me kryeministrat e mëparshëm, por dhe me vetë Ramën ku, sa herë kërkohej ndryshim qeverie nuk realizohej asnjëherë, lëvizja e Ramës me zëvendësimin e thuajse gjithë kabinetit qeveritar ka tronditur nga themelet PD-në dhe LSI-në, tronditja e dytë kjo pas refuzimit të studentëve ndaj tyre.
Basha, Kryemadhi por dhe Berisha e Paloka që kanë dalë sot në deklarime për mediat janë shprehur se ky është makiazh i Ramës dhe ministrat që u hoqën janë të korruptuar dhe Rama sipas tyre i zëvendësoi me të panjohur.
Madje Basha tha se Rama duhet t’i çojë dhe para drejtësisë ata ministra që u shkarkuan sot, duke qënë në një farë mase solidar me tërë veprimet e Kryeministrit.
Ndërsa Kryemadhi ka nxituar të deklarojë se qeveria Rama ka rënë dhe tashmë shqiptarët të bëhen gati të shijojnë qeverisjen më të mirë të PD dhe të LSI, në koalicionin e radhës.
Deklaratat e liderëve të opozitës tregojnë qartë kaosin që i ka pushtuar, ndërkohë që pavarësisht se Rama është në ditën e tij më të keqe politike që kur ka ardhur në pushtet, opozita nuk po orientohen drejt një kauzë që mund të rrëzojë këtë mazhorancë apo ta vërë të paktën në vështirësi./Pamfleti/
