Mesazhi i Bashës për ndërkombëtarët ka qenë pikënisja e fjalimit të liderit të opozitës në protestën e organizuar në sheshin përballë parlamentit shqiptar.
Basha është shprehur se Evropa dhe SHBA-të duhet të kuptojnë se shqiptarët nuk janë popull i dhunës, por një popull i demokracisë.
“Jam në krahun tuaj dhe me ju deri në fitoren e kësaj beteje. Zoti e ka nisur rrugëtimin e pranverës herët dhe me ndihmën e zotit shqiptarët e bashkuar kanë nisur rrugëtimin e shpresës.
Do vazhdojmë pa ndërpreje deri në largimin e qeverisë së krimit. Rama ik! Rama ik!
Bashkimi Europian dhe SHBA janë në këtë shesh, ne kërkojmë për shqiptarët vlerat dhe shqiptarët që ju keni.
Lulzim Basha do të qëndrojë në këtë betejë. Unë besoj tek demokracia amerikane, zgjedhjet të lira dhe të ndershme, besoj te shteti i së drejtës që çon krimin në burg.
Besoj tek liria dhe demokracia, njësoj si unë besojnë gjithë qytetarët e ndershëm të Shqipërisë. Ndaj dua këtë mesazh të parë t’ja u them miqve tanë, ne nuk jemi popull i dhunës, ne jemi populli i demokracisë.
Jemi e ardhmja europiane e vendit, ne nuk do të pranojmë kurrë më një kryeministër bandit, të kapur në flagrancë duke vjehdur vullnetin e popullit. Është kapur në flagrancë duke vjedhur qindra miliona.
Për Edi Ramën dorëheqja është vetëm fillimi, do shkoj përpara drejtësisë aty ku i takon. I bëj thirrje të mos lejojë largimin nga kufijtë e Shqipërisë, të pandehurin Edi Rama.
Kërkoni gjithçka që unë mund t’ju jap dhe do t’ja u jap, por mos më kërkoni për popullin tim atë që nuk do ta pranoni kurrë për popullin tuaj.
Nuk do pranoj kurrë që Kushtetuta të kthehet në letër higjenike, nga një kriminel. Nuk do pranoj kurrë kapjen e pushteteve”, deklaroi Basha para protestuesve.
