Pas takimit të djeshëm me kryeministrin Albin Kurti, i dërguari Special i BE-së për dialogun Kosovë-Serbi, Miroslav Lajçak, u shpreh se gjithçka që është nënshkruar, duhet të zbatohet, duke iu referuar çështjes së Asociacionit. Ai para gazetarëve, tregoi se janë përmendur edhe gjashtë kushtet e parashtruara nga shefi i ekzekutivit të Kosovës, Albin Kurti.
Lajçak tha se arsyeja e vizitës në Kosovë dhe ajo e takimit me kryeministrin Albin Kurti është çështja e planit evropian. I pyetur për çështjen e themelimit të Asociacionit të komunave me shumicë serbe ai tha se tashmë është e ditur se gjithçka që është nënshkruar, duhet të zbatohet. “Ne diskutuam gjithçka që është në propozim, çdo gjë që është në agjendën e dialogut, por baza e këtij takimi është propozimi që e kam prezantuar më 9 shtator.
Siç e thashë në duam ta sigurohemi që ne të lëvizim përpara mbi bazën e këtij propozimi dhe kur ne të sjellim dy liderët në Bruksel, takimi do të jetë konstruktiv, nuk jam duke folur për kryeministrin tuaj, ju mund ta pyesni atë sigurisht.
Ne diskutuam për këtë çështje dhe unë e informova kryeministrin për pozicionin tonë, por nuk dua ta bëj ilegalisht publike, mendoj që ka qenë e dobishme ky diskutim që patëm këtu, çfarë dua ta përsëris është se të gjithë u dakorduan se dialogu duhet të implementohet dhe kjo është se si normalizimi do të ndërtohet”, tha Lajçak. Kosova dhe Serbia, nën ndërmjetësim të Bashkimit Evropian, kanë nënshkruar më 2013 marrëveshjen për formimin e Asociacionit, por ajo nuk është zbatuar kurrë.
Më 2015 është nënshkruar një marrëveshje tjetër, për siç është thënë, parimet e këtij Asociacioni. Gjykata Kushtetuese e Kosovës më 2015 gjeti se 23 pika të Marrëveshjes mbi parimet për themelimin e Asociacionit, nuk ishin në harmoni me aktin më të lartë juridik të shtetit. Por, gjykata tha se ato mund të harmonizohen.?
