Belind Këlliçi ka dhënë një intervistë për televizionin e familjes Berisha, ku ndër të tjera ka folur edhe për arrestimin e Erion Veliajt.
Sipas tij, arrestimi erdhi falë “bashkëpunimit” të PD me Ramën.
Kjo, pasi sipas tij, Rama u bind pas protestave të Partisë Demokratike, të lëshonte Erion Veliajn dhe të lejonte arrestimin e tij.
“Në nisje të sesionit të ri politik në shtator, pa diskutim Partia Demokratike ka për detyrë, të gjejë të gjithë format aksiomat, mënyrat dhe ti përgjigjet të gjitha segmenteve dhe grupeve të interesit në shoqërinë tonë në mënyrë që të ndjehen të përfaqësuar. Dhe kjo do të ndodhi. Qoftë në parlament qoftë në aksion politik.
Por nga ana tjetër do të duhet për një moment nga të gjithë si qytetarë të mendojnë se ore nuk mund të vazhdohet më kështu. Kemi vendosur që të jetojmë në Shqipëri dhe nuk mund të vazhdohet më kështu.
Është në të mirë të çdo qytetari i majtë i djathtë i paparti. Një kryeministër i tillë i papërgjegjshëm në këto nivele, nuk i shërben as socialistëve, nuk i shërben askujt. Mbi të gjitha po e vuajnë vetë socialistët që sipas humorit të kryeministrit shkojnë në burg, hera herës çdo muaj, apo dy muaj, një kryetar bashkie, një deputet, apo një drejtor në administratë.
Ju e dini, e keni parë edhe vete pas 14 majit kur dy vjet më parë u bënë zgjedhjet për pushtetin lokal, Erjon Veliaj ishte njeriu me arrogant, me i sigurte kur thoshte do qeverisim edhe 20 vite, komandant Edi Rama do çojë vendin përpara me reformat e tij, me vizion e tij. Dhe komandant Veliaj do vijonte këto reforma.
Ku është sot zotëria? Dhe kjo sigurisht u arrit edhe falë aksionit të opozitës që nuk e la për 44 javë protestën para bashkisë. Deri sa u arrit në një pikë sa edhe Edi Rama u bind e tha se duhet ta paketoj këtë se nuk mbahet më…”, tha Këlliçi.
