Ish-kryeministri Sali Berisha ka pranuar kontrabandën e naftës nga Shqipëria drejt Serbisë gjatë luftës së Kosovës. Berisha u shpreh mbrëmjen e djeshme në emisionin “Kojshia”, se 95% të naftës Serbia e merrte nga Rumania, ndërsa nuk mohoi që edhe nga Shqipëria kishte kontrabandë, por “me mushka e gomerë”.
Madje Berisha u shpreh se ai vet personalisht është informuar për këtë aktivitet kontrabande dhe ka mësuar se kompania shqiptare quhej “Shqiponja”, dhe pas kësaj dha urdhër për shkrirjen e kompanisë së vërtetë.
Një version i ri ky i Berishës dhe për thyerjen e embargos se OKB për naftën dhe furnizimin e makinës luftarake të Milosheviçit me karburant për të vrarë shqiptarët e Kosovës.
Në fillim e ka mohuar, pastaj kur nxori librin Momir Bulatoviç ish kreu i Malit të Zi dhe krahu i djathtë i Sllobodan Miloshevic që zbardhi marrëveshjen me Berishën, ai ndryshoi strategji!
Deklaroi se e kishte bërë thyerjen e embargos për të furnizuar makinat bujqësore të Kosovës, përmes kufirit me Malin e Zi, të militarizuar nga trupat serbe.
Të dielën në mbrëmje ka dalë me version të ri, e ka shkrirë firmën e PD “Shqiponja” në….vitin 1998!
Akuzohet se fshihet pas zhdukjes së Remzi Hoxhës pasi ai dispononte një video ‘bombë’ për të, Sali Berisha del me deklaratën tronditëse dhe fut në lojë edhe Fatos Klosin: Ai nuk ekziston më!
Pjesë nga deklarata e Berishës:
Serbia merrte naftë nga ana tjetër, vinte naftësjellësi nga Danubi. 96% të naftës Serbia e merrte nga Danubi, 4% e merrte kontrabandë nga kufiri, por edhe nga Shqipëria.
Unë kam respektuar me të gjithë forcën time ligjin ndërkombëtar për sanksionet, unë nuk mund të them kurrë që s’pati kontrabandë. Nuk ka një shtet në botë që të ndalojë, që të ketë zero kontrabandë.
Në Shqipëri ishte një kompani nafte që quhej “Shqiponja”, që bënte tregti nafte brenda vendit. Më vijnë informacionet mua që kamiona me naftë paraqiteshin si kompania “Shqiponja” dhe shkonin drejt veriut. Veprimi im i parë ishte shkrirja e kompanisë “Shqiponja”.
Problemi ishte se ne në liqenin e Shkodrës nuk kishim mjete. Kontrabandistët kishin ndërtuar disa si bote që kalonin thuajse nën ujë. Çështja e kontrabandës nga Shqipëria është më qesharake.
E kanë ngritur Edi Rama, Hashim Thaçi dhe Baton Stanishiqi. Është tjetër kontrabandë ajo që bënte Rumania me tuba, dhe tjetër ajo që bënte fshatari me mushka.
