Shpifësi që nuk u dën.ua kurrë. Kështu e ka përshkruar ish Kryeministrin Berisha emisioni Top Story në Top Channel, ku është bërë edhe një kronologji e rasteve të shumta kur Berisha denon.cohej për shpifje, por çështjet mbylleshin nga Gjykata e Lartë.
Gjatë viteve 2008-2010, një numër politikanësh dhe biznesmenësh i janë drejtuar Gjykatës së Lartë për të ndëshkuar Berishën, për akuzat që ai hidhte nga foltorja e parlamentit. Në dhjetor të vitit 2009, biznesmeni Koço Kokëdhima, i njohur në atë kohë për afrimitetin me Edi Ramën, depozitoi një padi për shpifje, ndaj kryeministrit Sali Berisha.
Gjykata e Lartë e rrëzoi padinë e Kokëdhimës me argumentin se faktet nuk ekzistojnë dhe se kryeministri Berisha gëzonte imunitet. Dukej se strategjia e Berishës ishte përbaltja e kundërshtarëve nga foltorja e parlamentit. Dhe këtë e bënte me çdo kundërshtar politik, thotë Top Story.
Deputeti socialist Dashamir Peza, pretendonte se Berisha kishte thënë fjalë denigr.uese parlament, në drejtim të familjes së tij. Edhe ai iu drejtua Gjykatës me një padi për shpifje, por pa sukses.
Paditë për shpifje kundër Berishës si kryeministër ishin të shumta, por gjithmon gjykata gjente argumente ligjore për pushimin e tyre. Këtë fat pati edhe padia e biznesmeni Artan Dulaku.
