Nga Anri Bala
Menduam se shpëtuam por nuk qe e thënë, sepse ata nuk e lejojnë të bjerë në tokë, atë… figurën më të madhe të të gjitha ngjarjeve të zeza që kanë ndodhur në vend, e gjasat janë të përsëriten.
Ai që flet për narkoshtetin që vetë e krijoi si vullnet politik, e bekoi dhe e zhvati… e çfarë nuk bëri, saqë qytetarët e Lazartit dhe të gjysmës së Shqipërisë, mbushën kopshtet dhe shtëpitë me bar dhe askush nuk guxoi as tu afrohej deri tek dritarja.
Ai që për karrigen e vjedhur të pushtetit i vuri flakën shtetit dhe gjithë Shqipërisë, duke e degdisur vendin në luftë civile që u shmang falë ndihmës dhe ndërhyrjes së ndërkombëtareve.
Ai që shkatërroi ushtrinë, bujqësinë dhe gjithçka që nuk mund të shkatërrohej, për ta mbushur vendin me kërpurdha barakash e kioskash, si zhvillimi i ardhshëm i Shqipërisë.
Ai që na paska futur në NATO duke shhpërthyer dyert e depove dhe duke i kthyer ushtarakët në roje vreshtash, ndërkohë armatimet dhe fishekët shiteshin sikur të ishin domate e tranguj dhe sot me këto armë, vazhdon të derdhet gjak e bëhen krime.
Ai që klithmat e viktimave të Gërdecit nuk i zbeh dot me humbjen e baxhanakut, pa justifikuar se ç’donte baxhanaku aty i punësuar?!
Ai që i paska heq “vizat” Shqipërisë, kur ky proces kishte një dekadë që kishte nisur për vendet e Ballkanit, e kur në pushtetin e tij skafet ishin kthyer si autobuza linje dhe shteti që ai fatkeqisht drejtoi, mblidhte paratë si taksidarë.
Ai vrasësi i qytetarëve në bulevardin e tyre, si çdo vrasës që kthehet në vendin e krimit, sot shfaqet si protestues kundër dhunës policore, duke harruar Gazideden e Shehun e tij që u bënin gjëmën qytetarëve. Kurse ai i bekonte, nderonte dhe i gradonte ndërsa drejtësia heshte.
Ai që e ktheu shtetin në plaçkë hajdutësh, ku sot hanë e pinë derri dhe dosa të lumtur dhe të panginjur, si falanga të pushtetit të tij, ku korrupsioni dhe grabitja kishin funksione të larta ligjore.
Ai që shkatërroi krijesën me të vyer të rinisë shqiptare, PD-në, sot do rithemeloi partine e re me mballoma, rrecka dhe rraqe politike, të hedhura me kohë në kazane plehrash dhe do të shpëtoj demokracinë.
Njeriu që rrëzohet dhe është rrëzuar gjithmonë duke vrapuar pas karriges, tani do t’i nxjerri nga qulli të qullosurit që kanë dal me kohë, sepse qimja e zullumit është bërë tra dhe nuk ka shqiptarë më që e ha.
Ndaj për TV qenefët është ushqim, pavarësisht se damkën e ka! Të gjitha të faktuara dhe faktin nuk e shohin as ushtarët e as zagarët, sepse është brenda dhe këtyre i’u lezeton e ndjejnë kënaqësi, ndaj nuk munden të refuzojnë, por e dëshirojnë deri në eksitim… si Showmen-i plak, më i madh në fushën e poshtërsive.
Kështu që showmen-i plak ka “shpëtuar” nga hakmarrja dhe nga magjia, deri kur mediat dhe drejtësia të vazhdojnë të kënaqen me “faktin” e tij! /Ekskluzive.al
