Kundërshtarët e Sali Berishës në PD kanë paralajmëruar një “Foltore 2” pas humbjes në 11 Maj, por Berisha ka zgjedhur t’u tregojë vendin.
I pyetur në konferencën e sotme për shtyp mbi këtë lëvizje të atyre që mbetën jashtë listave e për rrjedhojë jashtë Parlamentit që do të rinisë në shtator, Berisha thotë se për të thelbi i lirisë është zgjedhja.
Por teksa shprehet i hapur ndaj thirrjeve për një lëvizje kundër tij në PD, Berisha i vendos edhe kufirin atyre që duan të ndërmarrin “Foltoren numër 2”.
Sipas tij, së pari të pakënaqurit brenda partisë duhet që fillimisht të cilësojnë farsë 11 majin.
“Partia duhet të jetë e bashkuar në parimet dhe vlerat që mbron. Duhet të pranojë diversitetin, por ajo që është e qartë se drita e diellit është se 11 maji ishte farsë elektorale. Ata që nuk e kanë të qartë, kanë mungesë të kulturës elektorale dhe duhet të ndalen dhe ta analizojnë. Nëse Këshilli i Europës rekomandon që në Shqipëri të ndahet partia nga shteti, për të gjithë njerëzit që njohin sistemet totalitare, e kanë të qartë që ata nuk zhvillojnë zgjedhje, por farsa”, thotë Berisha.
