Pas lajmit se Autoriteti Europian i Barnave, miratoi AstraZeneca si vaksinë të sigurtë, Bilushi i Metës u shqetësua seriozisht.
Doktori, Meta dhe Tit Vasili u mblodhën në Komitetin Antiqeveritar të COVID dhe arritën në përfundimet e tyre për këtë çështje.
Pas mbledhjes, Bilushi dha këto sqarime:
“Komiteti Antiqeveritar i Covid, analizoi sot mbasdite me urgjencë vendimen e EME, për lejimin e vaksinimit me AstraZeneca, dhe ka arritur në këto përfundime.
Lejmi i vaksinimit është një vendim i blerë nga Edi Rama, i cili përmes një pazari me AstraZeneca ka siguruar doza të shumta deri më 25 prill, me qëllim që të gënjejë shqiptarët.
Komiteti ka të dhëna të sigurta se Edi Rama ka përdorur Xhorxh Sorosin, të paguajë EMA, që të miratojë AstraZeneca, me qëlim që ai të vazhdojë të bëj vaksinimin në Shqipëri.
Edi Rama i tmerruar nga deklarat e Doktorit, Tritan Shehut e Tit Vasilit, kundër vaksinimit, rrezikonte të mbetej pa kauzë në fushatë elektorale, dhe harxhoi miliona që BE ta lejonte AstraZeneca.
Në këto kushte, ne u bëjmë thirrje mbështetësve të opozitës, të mos bien pre e propagandës së Edi Ramës, se kjo është një vaksinë e miratuar nga Evropa.
Ajo nuk duhet lejuar. Po ashtu, nuk duhen lejuar as vaksina ruse apo kineze, pasi ato mund të transformojnë genin tonë democrat, në komunist.
Nga ana tjetër, duhet të injoroni dhe vaksinën Pfizer, pasi ajo është e shtrenjtë dhe është blerë me taksat tona.
Presidenti Meta do të shkojë vet në Rinas kur të vijë dërgesa e radhës, dhe do të shkatërrojë ngarkesën, pasi ai mbron Kushtetutën dhe Kushtetuta jonë e detyron presidentin të mbrojë jetën e qytetarit.
Policët që ruajnë objektin në Rinas të kenë kujdes, pasi po i paralajmëroj që duhet ta hapin derën me të dy kanatet, jo vetëm një kanat, si ata policët tek FRD”.
